बामणघळ निसर्गाचा चमत्कार (Bamanghal)

बामणघळ  निसर्गाचा  चमत्कार 

गुहागरजवळच्या बामणघळ परिसरातला निसर्गाचा चमत्कार पाहून थक्क व्हायला होतं. समुद्राच्या किनाऱ्यापासून कातळात पडलेल्या या उभ्या अरुंद भेगेतून लाटांचं पाणी वेगाने आत घुसतं आणि तसंच काही फूट वर उसळतं.

निसर्गानं काही भागांत असे चमत्कार करून ठेवले आहेत, की ते पाहताना थक्क व्हायला होतं. निसर्गाचं हे अनोखं रूप पाहताना डोळ्यांचं पारणं फिटतं. पृथ्वीच्या पाठीवर वेगवेगळ्या कारणांमुळे झालेल्या उलथापालथीत भौगोलिक रचना बदलली जाते आणि त्यातून निसर्गाचं हे अनोखं रूप समोर येतं आणि लोकांच्या आकर्षणाचं केंद्र बनून जातं. कोकणाच्या किनारपट्टीवर दृष्ट लागण्यासारखे अनेक किनारे आहेत. थोड्या आडबाजूला जाऊन शोध घेतला, तर काही विलक्षण ठिकाणं सापडतात. गुहागर तालुक्यात हेदवी या प्रसिद्ध देवस्थानाजवळची बामणघळ त्यापैकीच एक.

हेदवीच्या गणपतीच्या दर्शनाला जाणारे लोक अधिक जाणकार असतील, तर त्यांची पावलं आपोआप गणपती मंदिराच्या अलीकडे असलेल्या बामणघळीकडे वळतात. बामणघळ हा निसर्गाचा अनोखा चमत्कार आहे. हेदवीपासून तीन किलोमीटर अंतरावर उजव्या बाजूस जाणारा उतार लागतो. या रस्त्याने गेल्यास समुद्रकिनारा लागतो. किनाऱ्याच्या उजव्या बाजूचा परिसर काळ्या कातळाने आणि डोंगराने वेढलेला आहे. या संपूर्ण परिसरात समुद्राच्या उसळत्या लाटांची कातळाशी पकडापकडी सुरू असते. किनाऱ्यावरच थोड्या अंतरावर उमा-महेशाचं एक सुंदर मंदिर आहे. डोंगरावरून येणारी गोड्या पाण्याची धार मंदिरात असलेल्या कुंडात पडते. मंदिरापासून थोडं आणखी पुढे डोंगराच्या दिशेने गेल्यावर कातळामध्ये समुद्रापर्यंत पडलेली एक उभी मोठी चीर दिसते. हीच ती प्रसिद्ध बामणघळ. किनाऱ्यावरून सुरू होणाऱ्या कातळापासून काही फूट आतपर्यंत ही घळ पडलेली आहे. एखादी अरुंद दरी असावी, एवढी, म्हणजे सुमारे दहा ते पंधरा फूट एवढी तिची उंची आहे. समुद्राच्या लाटांचं वेगानं येणारं पाणी या ठिकाणी वर्षानुवर्षं घुसून ही घळ तयार झाली आहे. लाटांचं पाणी एवढ्या वेगाने आत घुसतं, की कातळात तयार झालेले वेगवेगळे आकार पार करत ते घळीच्या अगदी वरच्या टोकापर्यंत शिरतं आणि तिथून वेगानं वर उसळतं. भरतीची वेळ असेल आणि लाटांचा जोर जास्त असेल, तर एवढ्या खोल असलेल्या घळीतूनही हे पाणी वेगानं वर आकाशाच्या दिशेने फेकलं जातं आणि कातळाच्या पृष्ठभागापासून काही फूट वर उडतं. घळीच्या अगदी वरच्या टोकापर्यंत किंवा बाजूलाही आपल्याला उभं राहता येत असल्यामुळे, कधीकधी आपल्यालाही या तुषारसिंचनाचा आनंद घेता येतो; मात्र ही घळ जेवढी सुंदर, तेवढीच धोकादायक आहे. अतिउत्साह दाखवणाऱ्या पर्यटकांचा जीव धोक्यात आल्याच्या घटनाही इथे घडल्या आहेत. सतत समुद्राचं पाणी उडून पडत असल्यामुळे कातळ निसरडे असण्याची शक्यता असते. पावसाळ्यात हा धोका जास्तच असतो. घळ अतिशय अरुंद आणि खोल असल्यामुळे हा चमत्कार पाहताना पूर्ण काळजी घेऊन आणि सुरक्षित अंतरावरूनच पाहणं योग्य. याच परिसरात उमराठ आणि नरवण येथील निसर्गरम्य परिसरात असलेली मंदिरंही पाहण्यासारखी आहेत

कसे जाल

रत्नागिरी जिल्हयातील गुहागर पासून हेदवी १८ कि मी आहे . हेदवीच्या समुद्रकिनाऱ्यावरील उमामहेश्वराच्या देवळा मागे ५०० मिटर वर बामनघळ आहे .

बामनघळची गुगल पिन
https://maps.google.com/?cid=2131164845574702713

गुहागर बामनघळ गुगल रस्ता मार्गदर्शक
http://maps.google.com/maps?saddr=Guhagar%2C%20Maharashtra&daddr=Bamanghal%20%E0%A4%AC%E0%A4%BE%E0%A4%AE%E0%A4%A3%E0%A4%98%E0%A4%B3&geocode=FQR7CgEd5uFcBCkAAAAAAAAAADHiwGl12IchZA%3D%3D%3BFcXcCAEdkzRdBCkAAAAAAAAAADF5xke6ImuTHQ%3D%3D&dirflg=d

**विनंती :- आपणास माहिती कशी वाटली प्रतिक्रिया जरुर द्या अन सदर ब्लॉग / फेसबुक पेज आपल्या मित्र परीवारात पण शेअर करा .   

शैलेश चौधरी(Shailesh Choudhari) 

( माहिती संकलक / ब्लॉगर / पर्यटण व्यवसायिक )
Blogger and Travel agent 

९७६७५ ९१६७५

[Mobile number +919767591675]
WhatsApp number +918888741797

Languages :- Marathi,  Hindi and little bit English.

email address :-

travelbirdindia@yahoo.com

Can Contact between:-

9a.m. to 9 p.m. ( Indian standard time )
Use Google Translate App. or web site to read this artical in your own language . Use Marathi as source language and translate  it in your own language.
पर्यटण एक चळवळ

पर्यटण विषयास वाहिलेला मराठी ब्लॉग

आमच्या फेसबुक पेज ला भेट द्या .
Visit our Facebook page 

Travelbirdindia

आम्हाला व्टिटर वर फॉलो करा .
Follow me on Twitter 

https://mobile.twitter.com/Shailesh1881975