नवरात्र स्पेशल ५१ शक्तिपिठांची माहिती अंतिम भाग ( ४३ ते ५१ शक्तिपिठे ) सोबत नित्यपाठाचे नवरात्र स्तोत्र

नवरात्र स्पेशल ५१ शक्तिपिठांची माहिती अंतिम भाग     ( ४३ ते ५१  शक्तिपिठे ) सोबत नित्यपाठाचे  नवरात्र स्तोत्र 

४३ ) वाराणसी : कर्णकुंडले

उत्तर प्रदेश राज्यातील
वाराणसी,  येथे  मणिकर्णिका  घाट येथे,  गंगा  नदीकिनारी  काशीला हे शक्तिपिठ असून येथे सतीची
कर्णकुंडले पडली होती . येथे सतीची मनीकर्णीदेवी अथवा विशालाक्षी या नावाने पुजा केली जाते .

४४ ) विभास : डावा घोटा

पश्चिम बंगालच्या पुर्व मेदिनापुर जिल्हयात तामलुक . येथे सतीचा डावा घोटा पडला होता . हे ठिकाण रुपनारायण नदिच्या किनारी आहे . येथे सतीची कपालिनी नावाने पुजा होते . हे ठिकाण दक्षिण पुर्व रेल्वेचा कुडा स्टेशन पासून २४ कि मी वर आहे .

४५ )विराट : डावा पायाची बोटे

राजस्थान राज्याच्या भरतपुर जिल्हयात विराट शक्तिपिठ आहे . येथे सतीच्या डाव्या पायाची बोटे पडली होती . येथे देवीची अंबिकाशक्ती या नावाने पुजा केली जाते .

४६ ) वृंदावन : केस बांधण्याची कडि

उत्तर प्रदेशातील वृंदावन, बस स्थानकाजवळ,भूतेश्वर रस्त्यावर, भूतेश्वर मंदिर परिसरात, शक्तीपीठ असून येथे सतीचे केस बांधण्याची कडि पडली . तीची येथे उमा रूपात पुजा केली जाते .

४७ ) जलंधर : डावा स्तन

पंजाब राज्यातील जलंधर जिल्हयात सतीचा डावा स्तन पडला होता . हे स्थान त्रिपुरमालिनी स्वरूपात पुजा केली जायची . परंतु सध्या हे स्थान विस्मृतित  गेले असुन  याच्या निस्चित स्थानाबाबत कुठली हि माहिती गुगल वर उपलब्ध नाहि . जर कुणाला या बाबत काही माहिती असल्यास कृपया आम्हास संपर्क साधा .

४८ ) अंबाजी : ह्रदयाचा  काहि भाग

गुजराथ राज्याच्या आरवली डोंगर रांगात गब्बर टेकडिवर सतीचा ह्रद्याचा  काहि भाग पडला होता . हे मातृहृदय असल्याने हे शक्तिपिठ वासल्यभावनेचे प्रतिक मानले जाते . येथिल्या पिठास अंबाजी नावाने संबोधले जाते . 

४९ ) जयदुर्गा : ह्दयाचा उरलेला भाग

झारखंड राज्यातील देवगड जिल्ह्यात वैजनाथ जयदुर्गा शक्तिपिठ आहे . येथे वैजनाथ असा उल्लेख न करता बैजनाथ असा केला जातो . येथे सतीचा ह्दयाचा उरलेला भाग पडला होता . देवीची येथे जयदुर्गा स्वरूपात पुजा केली जाते .

५० ) दंतेश्वरी : काहि दात

छत्तिसगड राज्यातील बस्तर येथिल  ( जिल्ह्याची कुलदेवी),  दंतेवाडा येथे   जगदलपूर  पासून ८० किमी वर हे शक्तिपिठ आहे . 

येथे शिवशंकर जेव्हा तांडव करत तिन्ही लोकात सतीचे शव घेऊन फिरत होते . तेव्हा सतीचे काहि दात येथे पडले होते . येथे सतीची दंतेश्वरी या नावाने पुजा होते .

५१ ) बिरज : ओटिपोटीचा  भाग

ओडिसा राज्यातील भुवनेश्वर (स्थानिक उच्चार बुभनेश्वर) जवळील जजपुर येथिल नाभीगया येथे सतीचा ओटिपोटीचा  भाग पडला होता . त्यामुळे या स्थानास नाभीगया या नावाने हि ओळखले जाते .  येथे देवीची विमला (स्थानिक उच्चार बिमला) नावाने पुजा केली जाते .

आत्ता पर्यत आपण ५१ शक्तिपिठांची माहिती घेतली . काहि शक्तिपिठांच्या स्थानाबद्धल वाद आहेत . हा ज्याच्या त्याच्या श्रद्धेचा भाग आहे .

नवरात्री निमित्त नित्यपाठाचे नवरात्रस्तोत्र देत आहे . नित्य पठनाने अनेक भक्तांस दिव्य अनुभव आले आहेत .

श्री दुर्गा सप्तशतीच्या देवीकवचामध्ये देवी भगवतीच्या नऊ अवतारांचे वर्णन केले आहे .ह्यांनाच नवदुर्गा म्हणतात .यात ब्रम्हांडस्वामिनी आदिशक्तीचे माहात्म्य
सामावलेले आहे .

  ॐ प्रथमं शैलपुत्री च द्वितीयं ब्रम्हचारिणी।
तृतीयं चन्द्रघण्टेति कूष्माण्डेति चतुर्थकम्।
पंचम स्कन्दमातेति षष्ठमं कात्यायनीति च।
सप्तमं कालरात्रीति महागौरीति चाष्टममं।
नवमं सिद्धिदात्री च नवदुर्गा प्रकीर्तिताः।
उक्ततानि नामानि ब्रम्हनैव महात्मना:।।
अग्निना दह्यामानस्तु शत्रुमध्ये गतो रणे ।
विषमे दुर्गमे चैव भयार्ताः शरणं गतः ।।

विनंती :- आपणास माहिती कशी वाटली प्रतिक्रिया जरुर द्या अन सदर ब्लॉग / फेसबुक पेज आपल्या मित्र परीवारात पण शेअर करा .   

शैलेश चौधरी(Shailesh Choudhari) 

( माहिती संकलक / ब्लॉगर / पर्यटण व्यवसायिक )
Blogger and Travel agent 

९७६७५ ९१६७५

[Mobile number +919767591675]
WhatsApp number +918888741797

Languages :- Marathi,  Hindi and little bit English.

email address :-

travelbirdindia@yahoo.com

Can Contact between:-

9a.m. to 9 p.m. ( Indian standard time )
Use Google Translate App. or web site to read this artical in your own language . Use Marathi as source language and translate  it in your own language.
पर्यटण एक चळवळ

पर्यटण विषयास वाहिलेला मराठी ब्लॉग

आमच्या फेसबुक पेज ला भेट द्या .
Visit our Facebook page 

Travelbirdindia

आम्हाला व्टिटर वर फॉलो करा .
Follow me on Twitter 

https://mobile.twitter.com/Shailesh1881975