नवरात्र स्पेशल ५१ शक्तिपिठांची माहिती भाग १ ( १ ते ७ शक्तिपिठे )

नवरात्र स्पेशल ५१ शक्तिपिठांची माहिती भाग १ ( १ ते ७ शक्तिपिठे )

१ ) अमरनाय महामाया शक्तीपिठ : गळा

भारतातील अत्यंत प्रसिद्ध अमरनाथ गुहेच्या येथे हे पिठ असून . जम्मु काश्मिर च्या अनंतनाग जिल्हाच्या पहेलगाम येथुन हे ठिकाण जवळ आहे . जुलैच्या नंतर सप्टेंबरच्या पहिल्या पंधरवड्यापर्यत जेव्हा अमरनाय यात्रा सुरु असते त्या वेळी भक्तगण या शक्तिपिठाचे दर्शन घेण्यास येतात . सतिच्या मानेचा भाग येथे पडला होता . येथे देवी महामाया या रूपात विराजमान आहे .

२ ) अट्टाहास फुल्लारी : खालचा ओठ

पश्चिम बंगालच्या बिरभुमी जिल्हयातील लाभपुर जवळील अट्टाहास या गावी सतीचा खालचा ओठ पडला होता . त्यामुळे या ठिकाणी मातेस भोग (नैवेद्य) दाखवला जातो व तो भोग प्रसाद म्हणून ग्रहण करणे फार भाग्याचे समजले जाते .

३ ) बहुला : डावा हात

पश्चिम बंगालच्या बर्धमान जिल्यातील कतवा येथुन ८ किलोमिटर वर असलेल्या केतु ग्रामाजवळील अजेय नदिच्या काठि पवित्र बहुला शक्तिपिठ वसले आहे . या ठिकाणी देवीचा डावा हात पडला होता . देवी सोबत येथे भिरूक भैरवाचे पण मंदिर आहे .

४ ) वक्रेश्वरी अथवा बंगाली उच्चार बक्रेश्र्वरी: दोन भुवयांमधिल भाग

पश्चिम बंगालच्या बिरभुम  जिल्ह्यातील पापहरा नदिकिनारी सिऊरी शहरापासुन २४ कि . मी . वर दुब्राजपुर रेल्वे स्थानकापासुन ७ कि . मी . वर देवीचे पिठ आहे . येथे देवीच्या दोन्ही भुवयांमधिल भाग पडला होता . येथे महिषमर्दिनी स्वरूपात देवीचे पुजा केली जाते . देवळाच्या परीसरात ८ गरम पाण्याची कुंडे आहेत . येथे स्नान करणे महत्त्वाचे मानले जाते .

५ ) अवंती / भैरवपर्वत : वरचा ओठ

मध्यप्रदेश राज्यातील उज्जैन येथिल शिप्रा नदिच्या तिरावर भैरव पर्वतावर देवीचा  वरचा ओठ पडला  होता  . येथे देवी अवंती रूपात वास करते .

६ ) भवानीपुर: डावा बाजुबंद

बांगलादेशातील शेरपुर गावाजवळ देवीचा डावा बाजुबंद पडला होता . येथे देवीची पुजा अपर्णादेवी या रुपात केली जाते . येथेच शिव वामन स्वरूपात विराजमान आहे .

७ ) गंडकी चंडि: कपाळ 

नेपाळ मध्ये पोखरा पासून १२५ कि मी वर मुक्तिनाथ धवळगिरी पिठा जवळ गंडकी नदिच्या किनारी हे शक्तिपिठ आहे . येथे देवीचा कपाळाचा भाग पडला होता . येथे चक्रपाणिभैरवाचे मंदिर पण आहे . याचा उल्लेख विष्णुपुराणात आला आहे .

विनंती :- आपणास माहिती कशी वाटली प्रतिक्रिया जरुर द्या अन सदर ब्लॉग / फेसबुक पेज आपल्या मित्र परीवारात पण शेअर करा .  

शैलेश चौधरी(Shailesh Choudhari) 

( माहिती संकलक / ब्लॉगर / पर्यटण व्यवसायिक )
Blogger and Travel agent 

९७६७५ ९१६७५

[Mobile number +919767591675]
WhatsApp number +918888741797

Languages :- Marathi,  Hindi and little bit English.

email address :-

travelbirdindia@yahoo.com

Can Contact between:-

9a.m. to 9 p.m. ( Indian standard time )
Use Google Translate App. or web site to read this artical in your own language . Use Marathi as source language and translate  it in your own language.
पर्यटण एक चळवळ

पर्यटण विषयास वाहिलेला मराठी ब्लॉग

आमच्या फेसबुक पेज ला भेट द्या .
Visit our Facebook page 

Travelbirdindia

आम्हाला व्टिटर वर फॉलो करा .
Follow me on Twitter 

https://mobile.twitter.com/Shailesh1881975